Davide Van De Sfroos - Il cavaliere senza morteAlbum: Pica! (2008)De tera n'ho traversàda, de acqua n'ho cognussüda, de veent n'ho inscè purtaa in di me sacöcc;se sun sbassàa come un ramm de sàles, se sun smagiaa come un trunch de plàtenma sun staa anca bel drizz cumè un ciprèss.Quaand che m'hann dii che'l mund girava ho cuminciaa a cürrec a'dree e adèss ho giraa püsse de luu.ma l'soo che ho mea vengiü.Ho pruvaàa el Martèll de Thor, i sgrafignaad de la Babayaga e Vainamöinen el m'ha insegnaa a cantà.E quanti omen con scià na spada ho trasfurmàa in funtàn de saangh e pò la Morrigan la passava a netà tütt.Quand che m'hann dii che'l muund cantava stori de Achille e de Cuchulainme n'ho cupàa püsèe de luur, ma de canzönn me n'hann mai scriü.E alura via anima in pèna a cercà el fuund de la damigiana senza n'ecorgéss che ho bevüü in del Sacro Graal:vurèvi beev per desmentegà e ho guadagnaa l'immortalità propi la sira che vurevi pruvà a crepà...una Valchiria da segunda man e un druido senza giüdizi m'hann faa sultà deent nel teemp comè un precipizi.E sun partii per la nuova gloria e ho vedüü merci la storia, cumè un Dio in armadüra ma a pè biütt.Forsi per noia o per vanità, sun naa in söl fuund del laagh per ritruvà la spada de Re Artù,ma Excalibur serviss a un cazzo, e Viviana me l'ha dii, se a manegiàla ghè lè un rembambii.Quand che m'hann dii che 'l mund pregàva, ho pregaa püsse de lüe adess che ho tacaa la spada al mür... effettivamente la me paar 'na crus.E sun partii per la Tèra santa, la lama in cieel e l'infernu in tera perchè m'han dii che l'era santa anca la guera.Culpi de spada a furma de crus, culpi de spada a mezzalöena, che in paradis a tücc ghe spècia una pultrona.e i m'hann dii che se'n cupavi tanti, scancelavi i mè pecà, che l'è diverso cupà quii giüst e quii sbagliàa.Ma me pudévi piö murì e quindi niente aldilà: ho saraa i öcc e ho pruvàa a specià.ho speciaa che la finiva e sun indurmentaa, ho verdüü i öcc e ho veüü i carri armàa...